隔牆有耳:靚女政助「捉摸」郭榮鏗 - 李八方

隔牆有耳:
靚女政助「捉摸」郭榮鏗 - 李八方

環境局局長黃錦星去咗巴黎參加氣候峯會之際,環境局局長政治助理區詠芷Michelle噚日就喺立法會走廊現身,其間肉緊捉住公民黨郭榮鏗Dennis隻手,繼而用手機起勢咁影,唔通Dennis魅力大到連靚女政助都俾佢俘虜?
查實區詠芷只係響應Earth Statement嘅行動,呼籲各國領袖積極應對氣候變化兼承諾節能減廢;佢捉實Dennis隻手,只係想對方簽名支持,而Dennis見個活動有意義,亦都唔介意俾人畫花隻手。
除咗郭榮鏗,會計界議員梁繼昌都有參加行動,仲話不惜摸黑沖凍水涼,但話明室溫起碼有20度先至會沖。