民主黨同新民主同盟力爭增加小巴座位，由現時16座變成20座。兩黨噚日仲搵咗部20座小巴畀大家試坐（圖）。呢架20座小巴同16座表面上無分別，跟車到場嘅時事評論員林鴻達就話，根據現行法例，小巴車長上限7米、車闊上限2.3米，而呢架20座小巴車長剛剛6.99米，呢款車原先設計就係20個位，只不過嚟到香港後為符合法例要求，先至拆走4個位。
新同盟范國威話政府交通政策多年來以鐵路優先，影響咗巴士、的士同小巴嘅生存空間，加小巴座位有助減少一鐵獨大。民主黨區諾軒都話繁忙時間嘅小巴服務供不應求，加位就能善用小巴資源。