前主播周嘉儀與葉昇瓚昨日在尖沙嘴出席手機活動，二人離開無綫後首次重遇合作，他們均表示勾起以前主播生涯回憶，嘉儀說：「見面時佢即刻畀半歲大BB女啲相我睇，見到大家發展咁好幾開心，佢好sweet好幸福。」嘉儀笑言希望葉昇瓚介紹筍盤：「好似佢咁高大已經好吸引，但聖誕趕唔切，希望來年啦！」葉昇瓚笑謂會為嘉儀密切留意。
天氣女郎梁凱寧日前報天氣時疑因所穿白色上衣太薄致「飛釘」，嘉儀叮囑穿衣要小心：「可能角度燈光問題，平時導演都會提點，真係要小心，薄衫我好少着，會加外套，自己係穩陣型，未出現過啲尷尬情況，同埋𠵱家又容易俾人cap圖。」
採訪：卓寶花
攝影：陳俊強