零售放緩對貴價品牌打擊最大，已經係不爭事實。想淡市突圍？近來好多名牌都「踩過界」開餐廳，當中不乏承接貴租地段，有價有市。好似Benz喺中環娛樂行，開咗300平方米餐廳Mercedes Me，月租要成400萬，仲量聯行新成立嘅商舖部副董事趙海瑜話，「冇品牌支持，普通餐飲業肯定承受唔起咁貴租。」
除咗Benz，瑞士名錶Franck Muller喺霎東街嘅意日Fusion餐廳Francesco、西太后嘅Vivienne Westwood Cafe、Tommy Bahama嘅The Marlin Bar等等，名錶名車名衫閒閒哋都萬萬聲，就算係中環人都未必個個消費得起，反而慕名去食個飯、飲杯酒價錢就相宜得多，淡市有得諗。