何超蓮忍痛怒斬四年情，閨蜜李蘊昨在電話力撐超蓮：「佢大把市場，驚乜！超蓮係好堅強嘅女仔，唔會擔心佢，一定有好好嘅另一半出現。」問到吳克羣是否不好？李蘊暗諷：「見過佢幾次都OK，佢可能表面工夫做得好好，但人係會變，女方受傷害，但唔係身體傷害！超蓮好投入呢段感情，盡晒女友責任。」對於吳克羣疑似劈腿，李蘊沒好氣說：「問番個男仔。」超蓮是否很傷心？李蘊說：「佢係冷靜派嘅人，睇佢Ig都知佢唔開心，但唔係會發癲嘅女仔。」
超蓮另一好友馬天佑昨亦坦言：「知道佢感情出現問題一段時間，佢真係要好大勇氣先講得出呢番說話。」他並透露已有四、五個月沒見過吳克羣：「唔知佢哋點解分手，𠵱家佢都結束咗，唔使驚，好女仔，邊個唔想追佢。」
採訪：皓騫、唐如