周一意甲聯賽榜首大戰，拿玻里喺主場迎戰國際米蘭，由希古恩（左）上下半場各一入球，以2:1擊敗喺成個下半場都踢少個嘅國米，自從喺89/90球季贏冠軍之後，終於再上意甲榜首。希古恩今場波威盡，佢跨季連續八場意甲主場比賽有波入，平咗馬勒當拿嘅球會紀錄。佢喺賽後話：「真係夢幻嘅一晚，最緊要始終係贏波，雖然上咗榜首，但球季仲好漫長，仲有排鬥。」