高鐵香港段工程超支問題，政府與港鐵達成協議，將造價封頂至844.2億，而政府向立法會財委會申請194.2億額外撥款。雖然港鐵承諾向作為大股東的港府派發195.1億元特別股息，抵銷超支款項，但撥款能否按政府計劃如期在明年2月通過財委會，卻充滿變數，除了泛民未必投支持票，一地兩檢也是另一足以左右撥款的大問題。
有泛民立法會議員說，當日立會討論高鐵撥款，泛民早已質疑工程會超支、一地兩檢不可行，所以投了反對票，就算今天再就額外撥款投反對票，「泛民議員係冇包袱，因為我哋一早警告咗，今日真係超支，有乜埋由仲要我哋支持？」
當日運房局局長鄭汝樺在高鐵撥款通過後回應造價問題時，曾公開表明會小心監察，又說政府「有機制嚴控開支」，「呢個發言𠵱家仲可以喺政府新聞網搵到，𠵱家超支接近三分一，冇官員問責，港鐵唔使受罰，仲想立法會撥款？我哋點同自己、選民交代？」
至於一地兩檢問題，泛民當年早說過違反基本法及損害一國兩制，「當日又係鄭汝樺拍心口話只係技術問題，結果搞到今日都未掂」。泛民直言，按坊間對一地兩檢說法，中央必須修改基本法或人大釋法，「到時就變成一場捍衞香港一國兩制爭議，唔再係增加高鐵撥款咁簡單」，撥款隨時因此拖延兩、三個月才能表決，「到時建制派一定俾政府夾實要支持，但投支持票，就會俾民意鬧出賣港人利益，明年9月立會選舉必遭票債票償，到時等睇建制派點企！」
季陶
周一、三、五刊出