羅拔利雲度夫斯基（圖）認真威威，一次過拎四張健力士紀錄證書！呢位拜仁慕尼黑射手喺9月22號球隊贏禾夫斯堡5:1場波入面，分別喺51、52、55、57同60分鐘入波，用咗九分鐘刷新咗四個紀錄，分別係德甲最快帽子戲法、最快「大四喜」同最快「五福臨門」，仲有德甲史上入波最多嘅後備入替球員。拜仁禮拜一就開咗個記招，羅拔仔正式獲頒四張證書。