一度被稱為「彭博女神」、農銀國際嘅靚女sales陳敏芳（Rachel Chan），原來已經做咗少奶奶，仲成日喺facebook大晒恩愛㖭。聽知情人士話，Rachel同老公今年年中簡單搞咗個婚禮，就正式被「私有化」。知情人士又指，Rachel鍾意佢老公有幽默感，成世流流長對住都唔怕悶，而老公亦唔係做金融嘅，果然堅守以前提過嘅擇偶條件。不過，Rachel忙得滯，暫時無諗住生小朋友。
呢位「農銀女神」舊年因為喺彭博資訊機上面，上載咗張自拍照做Profile Pic，即時人氣大升。喺「Most Viewed People」排行榜中，曾經高踞榜首，高過唔少出名嘅金融界人士。雖然佢後來轉返低調，但仲有一班「粉絲」留意佢，仲成日見佢貼啲同老公嘅合照，係咁放「閃光彈」，真係幾「刺眼」。