白雲山（874）王老吉涼茶最出名，有「中國版偉哥」之稱的「金戈」亦都深受國內民眾歡迎，上市僅僅一年就賣咗7億元人仔，全國排名第一。
或者啲藥真係「使得」，吸引到阿里系的關注。今年初阿里巴巴集團主席馬雲有份投資的雲鋒基金，已成為白雲山的戰略投資者，而早前更與阿里健康（241）先後簽訂兩份戰略合作協議，共同發展網購藥物服務，並開設「廣藥白雲山天貓旗艦店」，在網上賣藥。
到底阿里健康係睇中白雲山王老吉品牌效應大，抑或金戈發展潛力深厚，真係不得而知，不過出年阿里健康股東會，一班股東可唔可以拎到最有用嘅……王老吉涼茶做紀念品呢？