謝安琪（Kay）因老公張繼聰的好友白只奪得今屆金馬獎拎最佳男配角，開心大叫到聲帶受傷，最後缺席前日在廣州舉辦的「中國大學生音樂節廣州站」，不過「愛國小先鋒」陳淨心立即轉貼邀功，以為成功狙擊Kay。
Kay的老公張繼聰昨日在尖沙嘴出席活動時，對於Kay被狙擊，他說：「佢把聲真係唔舒服，其他嘢真係唔回應喇，我覺得太太嘅健康重要啲。」問他有否擔心受事件而影響內地市場的收入？他說：「呢個係好多層次嘅答案，𠵱家只係陳小姐嘅評論而唔係事實嘅全部，太太嘅工作係從來都冇受過影響，自己嘅生活，永遠係自己掌握，唔會俾人影響到。」但張繼聰未有解釋「唔係事實嘅全部」的原因，他只說：「其實我唔係好留意佢講過乜，不過一張相好難去斷定，我留番畀太太去解釋，我作為老公，係唔夠客觀，我係會保護我太太，呢個社會好珍貴，因為言論自由，陳小姐都可以表達佢自己想講嘅嘢。」
盧廣仲表現high爆
另一方面，被「台獨剋星」藝人黃安狙擊的盧廣仲，事件發生後首度在港現身，前晚在西九出席Clockenflap音樂會，未有受「被退出」內地演出影響，甫出場獲現場歡眾歡呼，全程表現勁high，以招牌結他自彈自唱《別在我睡着的時候打電話給我》時不停fing左腳，又不時與台下觀眾大玩互動，他用廣東話兼夾普通話說：「我中午吃了蝦餃，還是要快樂，快樂最重要。」另外，有份在台下睇騷的吳業坤，途中向廣仲送上自己的新碟，廣仲之後舉起CD說：「大家支持一下，我先收起來，Yeah！」
採訪：黃曉妍、盧妹
攝影：陳慧安、仇志德
