國際足協噚日公佈金球獎最後三強，除咗有美斯同C朗（右）呢兩個穩膽外，仲有尼馬。美斯上季幫巴塞拎咗三冠王，被視為頂頭大熱，好大機會第五度得獎；頒獎禮會喺出年1月11號舉行，到時就知邊個贏。自從國家打吡輸畀巴塞後，C朗最近特別醒神，繼上周中對薩克達梅開二度，周日又射入12碼，加埋加里夫巴利建功，幫皇馬以2:0作客贏伊巴。