【拆局】
據悉，港鐵在為高鐵風波拆彈期間，管理層一直對分析員及股東稱毋須為高鐵項目包底，港鐵如此有信心，全因按照港鐵與政府原本所簽訂的合約，港鐵的確有足夠法理依據毋須為高鐵的超支負責，即使對簿公堂，港鐵仍有信心勝訴，故港鐵原本內部評估，最多只須為高鐵項目損失數十億元管理費。
張炳良指撥亂反正
不過港鐵消息人士稱，是次與政府的談判中，張炳良態度異常強硬，一直堅持無論以甚麼方法，都要為高鐵項目封頂：「佢甚至認為港鐵一直以來的經營模式（用賣樓收入補貼鐵路項目虧損）都係有問題，港鐵唔應該繼續只做冇風險嘅project manager（項目管理人），即使當日簽訂嘅合約明明唔係咁，都堅持要改，形容現時咁樣係撥亂反正。」
有基金經理稱，今次的方案對港鐵股東而言，最難接受的不是借錢派息，而是港鐵要「硬食」日後為高鐵項目超支包底的風險：「按原先合約，港鐵本來係有足夠理據唔包底；現時公司用特別息利誘（獨立）股東，只要方案一通過，以後港鐵就變成有法理責任要『孭飛』，咁樣先影響最大。」他指現階段難以估計方案是否能通過，「無可否認有息派係吸引，而且就算借完錢，港鐵嘅負債比率（約25%）亦唔算高」。
■記者吳綺慧、石永樂