湯盈盈兩個月前，為錢嘉樂生下第二個愛情結晶品細女Kassidy，坐完月嘅湯盈盈目前專心湊二個女，佢早前都陪大女凱晴（Alyssa）去海洋公園玩，Kassidy仲係第一次參加戶外活動，難怪盈盈整咗個蛋糕俾細女，慶祝細女出世兩個月喇!之前爸爸錢嘉樂講過覺得細女似老婆盈盈多啲，不過，今次盈盈再po相，就發現細女Kassidy同家姐Alyssa好似樣，都係咁得意。
此外，周汶錡(Kathy）和老公、囝囝近日一家3口到泰國布吉度假，變成晒仔一族的Kathy，抱住4個月大的兒子自拍，雖然靚媽無著比堅尼，只是圖案衫配大熱的Dior So Real太陽鏡，但風頭完全被星級囝囝搶去，網上留言全部衝著Jacques而來，大讚BB可愛！