【本報訊】「嗰日（投票日）知道佢贏咗，我已經忍唔住攬住自己嘅助選團大嗌：『吳兆康贏咗嘞！』嗰時真係好想攬住佢、咀佢一分鐘㗎。」吳兆康邊聽許智峯的「hehe宣言」，邊含羞微笑。其實這對好兄弟，各已是兩個小朋友之父，同獲賢妻義無反顧支持踏上從政路。
半山東的點票站高主教書院，正是吳兆康的母校；吳坦言，與對手不相伯仲的票數，令自己當晚坐立不安，得悉勝選，「我激動到第一時間跪喺（校內）十字架前祈禱」。但許智峯苦笑說吳當晚「謝晒」，勝選後回家休息，「我哋當晚最後係冇見面」。
地區工作孖Beat制，團隊形象深入民心，吳笑指「街坊見到我，會問起許智峯；見到許智峯時，又會問起我」；你中有我，我中有你的緊密合作，也有爭拗的時刻。「佢（吳）擅長係文宣、創意、fb，我覺得佢好離地，（會質疑）有冇攞過居民一個電話返嚟㗎？佢就會覺得我啲文宣太『唷』，啲選舉海報咁求求其其㗎」，卻是這一凹一凸，起了意想不到的化學作用。
■記者許偉賢