政商界唔少富二代，但有位富二代卻較另類，成日喺運動活動中被捕獲，游水、單車或跑步，都見到佢。到底呢位異軍係邊位？之咪就係華置劉鑾雄嘅囝囝劉鳴煒。
林鄭口中嘅「鳴煒」，早前已經參加過「總裁慈善單車遊」，亦喺公益金會德豐百萬泳中展示fit爆身形兼泳術；噚日朝早佢又出動嘞，參加聯合國兒童基金會慈善跑，暫時未知佢成績如何，只知現場人士見到佢，私下大讚真係操得好弗吓。查實MW透露過醉心三項鐵人賽，沉迷期間試過每日訓練時間高達15、16個鐘㖭。話時話，MW早前辭去華置行政總裁，表明想投放更多時間喺公共事務；有心有力兼形象健康，未來政途似乎唔簡單。