【本報訊】港大畢業生議會特別大會昨在校園舉行，中午投票人龍維持約十人，以中年校友為主，現場更有不少畢業生與親友影畢業相。
鮮有年輕學生投票
大會昨早11時開始，半小時後才正式就動議投票，直至中午，會場外人龍維持約十人。記者觀察所見，投票校友以中年老鬼為主，年輕人蹤影疏落，有不少應屆畢業生穿學袍，與親友在會場上層的中山廣場拍照留念，部份更借用在廣場一側、剛完成集會的港大校友關注組佈景板留影。關注組副召集人吳錦祥見狀，多次嗌咪催票，惟反應麻麻，鮮有畢業生響應。至投票截止前半小時，才有大批校友趕來投票，人龍長達5、60米。
應屆社會工作系碩士畢業生、來自內地的崔小姐指，港大是讀書的地方，但陳文敏事件令學校變得政治化，「唔關我事」，她批評港大學術排名已大幅下跌，但學生仍「搞呢啲政治嘢」，認為事件很無聊。她指即使民意傾向反對李國章任校委會主席，並支持陳文敏任副校長，仍「唔覺得民意一定啱，唔係大多數人講嘅就一定啱！」，又強調自己不會投票。
■記者蕭洛汶