現年41歲的姚樂怡與老公吳俊匡（Alan）結婚3年，今年成功造人，預產期是明年元旦1月1日。樂怡昨日在微博透露腹中BB性別，寫着：「開估！It's a Girl！是女來的！現在不單止肚凸凸，連肚臍都凸出來了！好期待喔！」穿上黃藍色tube top的樂怡，在巨肚上寫上「Baby Girl」；老公好鬼馬，除了錫錫BB，還貪玩瞓身扮踢肚，就連樂怡家中的兩隻愛犬都躺在樂怡巨肚上，一家人大晒幸福。
樂怡昨日在電話中表示此刻心情既緊張又期待，因為臨盆在即，所以頗辛苦。她說：「𠵱家唔係瞓得好耐，每朝7、8點就起身，因為腰骨痛，同埋個肚開始好大好重。」樂怡透露平時瞓覺要動用五個枕頭，她解釋：「躺平瞓已經唔得嘞，要左右兩邊各揳住一個枕頭，仲要墊高瞓兩個枕頭，因為瞓太低就會有少少想反胃，再加埋一個攬枕放腳下，要搵啱個位先瞓得舒服。」
可以齊扮靚
問到老公Alan是圍村人，未能一索得男會不會有點可惜？樂怡說：「冇所謂㗎，女都鍾意，可以扮靚。同埋我老公好鍾意女，佢堂哥全部都係生女，每次家庭聚會，老公一定唔知去咗邊，因為要黐住啲細路一齊玩。」可有追仔壓力？她說：「冇㗎，有咪有，𠵱家有都好感恩同開心。」
樂怡表示仍未決定開刀還是順產生小朋友，要待下周再見醫生先決定。不過，樂怡和老公已為將出世的囡囡佈置好新居，將BB房設計米黃色柔和色調，牆上還畫有一幅雀仔企樹枝的得意相，而BB床頭則有小綿羊，準備十足。
此外，鄭希怡（Yumiko）前晚把近8個月大的囡囡梁子柔（梁浸浸）的剪指甲相放上Instagram，梁浸浸一副瞇埋眼仔「巧驚驚」的樣子萌到爆。
採訪：嵐山
