旅行越來越流行用Airbnb找住宿，貪其地方大又夠地道，好多時價錢仲平過住酒店，屋主還可以提供當地旅遊介紹，有時仲有意外收穫。
據外國雜誌報道，Airbnb已經唔係單純一個住宿網站咁簡單，短期租約不時促成短期性關係，住客嗒房東或房東嗒住客的個案不鮮，其中一名25歲英國男性受訪者就表示在住宿期間跟36歲的巴西女房東發生關係；亦有倫敦女住客與獨身房東外出飲酒繼而one night stand。部份房東在網頁更不諱言表明喜好單身、年輕或外貌端好的住客。
當然趁旅行住民宿買多個姻緣機會都係好，但都要小心，房東之中亦有不少色中餓鬼，有意大利女住客就被房東不斷攬攬錫錫，仲話唔想佢離開咁話。為免損失，還是不要以貌取屋，仔細查閱房東有沒有被舉報等不良紀錄，或參考住客留言來揀選合適的住家吧。
資料來源：Business Insider、英國每日郵報
記者：曾冠輝