英國《太陽報》又有料爆（圖），有位英超球星用裸照媾女！呢位球星係國腳級人馬，有女朋友之餘，仲已經有小朋友㖭，佢最鍾意揸住架跑車周街識女仔，有次佢就睇中咗個18歲嘅學生妹。識完之後，兩個人即刻用短訊傾偈，但呢位球星已經忍唔住獸性大發，將自己嘅裸照傳畀個學生妹睇，嚇到學生妹又驚又嬲，即刻唔理佢。《太陽報》訪問嘅網絡安全專家話，𠵱家啲英超球星真係教壞細路，敗壞社會風氣，叫足總管吓班球員喎。