特區政府成立創新及科技局之時，港大前校長徐立之都就創科發展搞搞新意思，即將成立「香港科學院」並任創院院長，希望藉此對香港科學家予以認同及肯定，冀為香港科學進展同研究教學盡一分力。
下月舉行成立典禮
徐立之喺電台節目透露，香港學界早喺2006年起已經成立小組，研究創辦港科院，最終喺今屆政府支持同商界捐款下成立，現有27位基本創會院士，包括諾貝爾獎得主崔琦、數學家兼科技大學校長陳繁昌以及物理學家兼科大前校長朱經武等，每兩年會向對香港科研有貢獻嘅科學家頒授院士。
港科院獲得創新科技署撥款，徐立之預料可應付未來數年的會議和行政費用；但係港科院若然要進行科普同埋研究工作，就要量力而為。
據知港科院下月會喺禮賓府舉行成立典禮，辦公室會設喺科學園。