王菀之昨日出嫁，好友張敬軒、容祖兒、黃偉文（Wyman）、王祖藍、吳君如、梁祖堯等均有到賀，記者問到Wyman會否催Ivana造人時，他笑說：「佢係走仙女路線，你係唔會催一個仙女生BB㗎！」
之後Wyman、祖兒和軒仔分別在社交網貼上婚禮照片和短片，祖兒上載一段「安慰失戀男」的短片，着「失戀」的軒仔不要哭，抵死的軒仔伏在祖兒膊頭扮喊，並用手狂掃祖兒的胸部附近位置，然後扮驚訝說：「咁平嘅？」認真搞笑。另外，與Ivana在《金雞sss》合作的吳君如，原來昨日首次見新郎哥，君如笑言：「今日係第一次見新郎，第一次同佢握手，覺得佢一表人才，兩個人好匹配。」
