有鬚的林子祥男人味十足，但原來他的性格很姿整，阿Lam說：「我啲嘢擺好咗唔畀人郁，傢俬又好枱面上嘅嘢又好，我唔鍾意人哋將佢郁動，我要喺嗰個位，因為我揀嘅位好準，知邊個位擺一定靚，沙麗會叫工人唔好搞亂我啲嘢，如果郁咗搵唔到就辛苦，或者呢啲叫姿整，所以我做嘢都一樣，演唱會rundown都擺得好準。」
明年1月舉行的紅館騷，阿Lam要求好高：「入行40年，年齡都60幾，想畀觀眾知道成個人生係點，呢個騷我好似寫劇本，係有音樂嘅劇本。」唱了40年的阿Lam仍不覺倦，沒想過退休：「因為我話退休冇意思㗎，退休後又係繼續創作。」會否擔心生老病死？他說：「冇諗呢啲，驚得幾耐，梗係希望唔止我，身邊人都冇大病。」