縱橫樂壇40年的林子祥，絕對有資格品評年輕歌手的唱功，他坦言：「我聽唔到有乜新感覺，一係扮黑人唱Hip-hop，我又唔知佢講乜，情歌鍊住喉嚨唱亦都聽過晒，冇一個有新意，點解我唱到40年，因為我逼自己唔定型，逼住要唱高音、抒情、搞笑，人哋先記到我啲歌。𠵱家啲歌冇旋律，佢哋唱得幾好都唔知唱乜，總之佢哋啲歌聽唔入耳，所以我希望香港新晉歌手可以唱番啲簡單歌。」
作為前輩，阿Lam都很體諒年輕歌手：「佢哋都好辛苦，因為賣唔到碟，就算錄隻好歌出嚟，人哋都即刻download，所以佢哋搵錢係辛苦啲。」問到兒子林德信有否給家用？阿Lam愕然反問：「畀我？梗係冇，我又唔畀佢㗎，哈哈哈，佢賺到啲啲咁多。」