著名畫家周少康在西九龍中心為李小龍誕辰七十五周年舉行紀念漫畫展，邀得張武孝（大AL）、李龍基、聶安達（Anders Nelsson）及上官小強等出席。聶安達在台上分享與李小龍拍攝電影《猛龍過江》的趣事，他說：「嗰時佢成日叫我鬼佬，所以我𠵱家都唔介意人哋叫我鬼佬。」
李龍基自小熱愛武俠片，但兩人未有機會合作：「細個都有學過飛刀、耍棍，不過我最鍾意係劍，自己都儲咗六、七把龍泉寶劍。」至於早前電影《葉問3》有意以CG技術加入李小龍的影像，但有傳遭李小龍遺孀反對，李龍基說：「有少少可惜，佢將中國武術發展到世界各地，連外國人都仰慕佢，我哋應該用任何渠道去表揚呢位前輩。」
採訪：盧妹
攝影：仇志德