練馬師沈集成雖然已與潘頓和好，周日（29日）賽事將有「港林飛魚」、「歡樂盈盈」合作出擊，但早前沈集成將潘頓放入雪櫃期間，很多潘頓騎開的馬，已換了他人接手，潘頓冇咗就冇咗，就算家陣兩人重修舊好，那些馬亦不見得重回潘頓手上，「永旺年年」就是其中之一。
今季「永旺年年」兩戰均配潘頓，結果俱屈居亞軍，日前此駒已由雷神過檔試草地，這天人馬更出試快活谷第三組1200米草閘，馬主張佩珠亦有到場監督，可見對愛駒進度甚着緊，結果馬兒在雷神胯下起步敏捷，帶放勝出一氣呵成，狀態全無走樣跡象，彈甩亞軍陳慧琳老竇陳崇偉愛駒「鑽石巨匠」，季軍是「有關係」。相信張佩珠對愛駒表現，一定感到滿意。
4歲馬「永旺年年」至今5戰2冠2亞，仍有極大進步空間，上仗只不敵再出再贏，已加到100分之「幸運如意」不足為辱，雷神接手只評74分之「永旺年年」，隨時瞓着都識笑。