郭富城日前與電影《踏血尋梅》導演翁子光到有線受訪，曾演過不少警察角色的城城坦言今次的演出有別於過往，他說：「呢個角色係老差骨，咁多年都係做同一崗位，但仲有一顆赤子之心，要重新揣摩角色並唔容易。」問到城城有否興趣當導演，他說：「將來一定有機會，演員去到某階段就會想停一停思考吓，如果我去到呢個階段，就會做導演，𠵱家唔想分心住，跟導演學吓嘢先。」