民建聯鍾樹根（圖）區選慘敗後，昨午發聲明反駁最新一期《壹週刊》稱呼佢為「野雞大學出身嘅民建聯『博士』鍾樹根」。
鍾樹根澄清暫只係雙碩士，目前仲攻讀緊英國倫敦南岸大學（London South Bank University）嘅工商管理博士，因未畢業從冇以「博士」自居，八方發現「準博士」卻連母校英文名都串錯。
佢喺聲明話擁有英國威爾斯大學（University of Wales）工商管理碩士及英國格拉斯哥克里多利亞大學（Glasgow Caledonian University）理碩士資格，但八方發現，鍾樹根就將「Caledonian」寫成「Caledonia」。
佢留意到八方都報道過佢只係雙碩士而非博士，質疑壹傳媒冇可能唔知佢唔係「博士」，對虛假失實報道表示遺憾及憤怒，促立即停止，仲話壹傳媒同《蘋果日報》屢次撰寫失實報道誹謗佢，聲稱保留法律追究權利。