【本報訊】立法會昨辯論由民建聯立法會議員陳克勤提出、名為「發展經濟，改善民生」的議案，呼籲各界放下政治爭拗，促請特區政府討論發展經濟和改善民生。工業界林大輝發言時直斥陳克勤想法天真，認為政治和人不可分割；林又指：「有啲政黨成日話成功爭取乜，呢啲咪政治囉。」最終陳克勤的原動議，在發言時表明支持、投票時卻失蹤的工聯會王國興缺席下，以1票之微不獲通過。
立法會昨辯論陳克勤提出的「發展經濟，改善民生」議案時，王國興會上表明支持，但同時又批評陳克勤無真正揭露矛盾所在，認為香港真正矛盾在於「反對派」要推倒政府，質疑陳克勤為通過動議，「迴避咗呢個焦點」；他又批評議員經常拉布，浪費公帑。
投票時王國興失蹤
面對王國興批評，民建聯未見有人為陳克勤反駁，反而社民連「長毛」梁國雄發言時質疑：「王國興有乜資格教訓陳克勤？」梁國雄批評王國興區選時，連接受訪問也不敢，現時當選後即說出「共產黨都唔敢講嘅嘢，將個社會矛盾越拉越大」，直指王國興「真係好賤」。
其後立法會就陳克勤議案表決時，梁國雄即要求「等埋王國興」，要求響鐘5分鐘，召喚議員返回議事廳投票，指「我要等埋佢，佢話議員浪費時間，其實係佢自己食屎再話個屎坑臭，我要求你（主席曾鈺成）主持公道，畀5分鐘佢返嚟投票」；惟5分鐘後，王國興仍然失蹤，未見返回議事廳。
最終只有工聯會鄧家彪、經民聯林健鋒，以及民主黨單仲偕的修正案，先後獲得立法會表決通過，陳克勤的原動議因地方直選組別欠1票，未獲通過。
■記者林俊謙