星展香港零售銀行一姐潘燕明（Pearlyn）下月底就離開香港喇。母公司星展集團最近要求佢返去新加坡，擔任集團零售銀行業務副主管。
本身係新加坡人嘅Pearlyn來港3年，佢話返去新加坡嘅決定幾趕急，佢仲啱啱先至將新加坡層樓賣咗，唯有返去租樓住先，遲啲先決定再買樓，但肯定比香港平。
Pearlyn個寶貝仔就難搞啲，因為佢喺香港讀咗幾年小學，𠵱家要轉返去新加坡讀書，教育制度唔同，又要買過新校服。咁阿仔有冇唔開心？Pearlyn就笑住話阿仔又好開心喎。
過去呢3年，Pearlyn話學識好多嘢，特別係人民幣業務，遲啲升咗職之後，佢都會不時來港同大家見，即係話大家仲有機會見到呢位新加坡靚太㗎。至於佢𠵱家個位，暫時未知邊位接任。