立法會前日辯論由人力陳偉業提出取消小三全港性系統評估（TSA）嘅無約束力議案，原議案喺民建聯反對同工聯會棄權下被否決。有港媽發現前日播出嘅《多啦A夢》故事都講到選舉，於是借用嚟呼籲懲罰建制派。
該集《多啦A夢》講大雄成日被胖虎蝦，所以多啦A夢就使出法寶，想以選舉方式喺居住地選出新小霸王，胖虎就以武力威嚇其他小朋友撐佢，而大雄就用多啦A夢法寶為選民提供生活上嘅方便，但靜香直指呢個唔係選舉嘅真正意義，認為選民唔應該着重眼前利益或威嚇，應票投真正為自己着想嘅候選人，結果小朋友將選票投畀靜香。
港媽喺fb引用呢集故事（圖），希望團結力量，喺明年立法會選舉，以選票懲罰呢班令佢哋子女承受無數壓力嘅建制派。