英國《每日郵報》周三爆料，話摩連奴嫌迪亞高哥斯達狀態低迷、雷米同法卡奧又唔爭氣，搞到佢終於忍唔住，想喺一月買前鋒加強火力；據聞目標有李斯特城嘅占美華迪、熱刺嘅哈利卡尼仲有馬體會嘅基沙文；甚至連喺今季被曼聯踢咗去費倫巴治嘅尹佩斯，以及仲係自由身嘅艾迪巴約，都係車仔嘅考慮對象。今季前摩連奴諗住人棄我取簽咗法卡奧，點知出晒事，再搵曼聯棄將唔通見過鬼仲唔怕黑？