史上最強11合1遊戲主機retro freak呢期好紅！紅就紅在大家「買不得」！
呢部機話題之處，係佢將11部舊遊戲主機合一，當中包括超任（SFC）、紅白機（FC）、世嘉五代（MD）、PC-Engine、PC-Engine SuperGrafx、Game Boy、Game Boy Color、GameBoy Advance 8部主機，而SNES、GEN、TG-16分別是超任、世嘉五代和PC-E美版，由於當年好多主機都有區碼之分，所以說對應11部主機也沒錯；不過更重要是此機取得以上遊戲機的正式授權，只要插入當年的舊遊戲盒帶，大家就可以馬上玩得。就現時所見，大部分到港的retro freak都是premium版，普通版完全不見蹤影；兩者最大分別，是premium版會多了一個遊戲手掣轉換器，只要你擁有以上遊戲主機的舊手掣，就可以馬上插上作遊玩。
話說十一月初retro freak premium版首批到港，由於貨量極少，好多人連真身都未見，就已經話賣斷市了；所以最初的高價曾見$1,800至$2,300，不過仍然是一機難求。今日記者行深水埗福仁商場，竟有幸見到此話題之機再派貨，而且機價亦來個大回落，以$1,680開售！
平價可入手嗎？大家可以來一個簡單算術題！機價先來要扣除$300運輸費用，所以原機實質價錢為$1,380；再以retro freak premium版在日本的價錢作比對（21,000日圓），如果以行頭術語形容，這已經是正常的「六五算」了，以現時的0.0632日圓匯率在比較，其實也相當接近了吧（$1,328）！
查詢：Bidlike（深水埗福華街175號福仁商場1樓17號舖）
記者：朱崇德