【本報訊】電訊盈科（008）免費電視台ViuTV明年4月開台，力推真人騷及綜藝等實況娛樂節目，與主打三線劇集的電視廣播（511，TVB）有別。公司總經理魯庭暉接受訪問時坦言，與TVB爭到你死我活，但無法吸引觀眾重新收看本地電視，最終只會「一齊死」，稱電視行業要「做大個餅，擘闊個市場。」
過去新台都以搶TVB觀眾為目標，港視（1137）主席王維基去年開台，播本地劇集對撼，惟最終未對TVB構成威脅。魯庭暉未有透露目標收視點，但希望開台之後，有更多節目供觀眾選擇，令ViuTV及TVB觀眾人數可同時上升，「（ViuTV）攞到個收視，但全香港收視同今日比係打和，其實唔sustain（持續），可能一兩年攞到掌聲……一開始好似你死我活，但最後只會一齊死」
主打真人騷與綜藝節目
他又否認電視市場有「慣性收視」，認為只要節目「有新嘢」、具話題性就可吸引觀眾，甚至能改變觀眾習慣，「七年前你都唔會搭車玩電話，𠵱家都變晒啦。」
所以，新台與TVB主打劇集有別。真人騷與綜藝節目，以及新聞資訊類節目各佔總播放時間約三成，劇集播放時間僅佔兩成，主要是外購劇集，其餘兩成時間則播放體育節目及其他為主。被問到會否播放英超，魯庭暉未有直接回應，僅稱有「包括足球」的歐洲精彩運動。
綜藝節目容易被對手模仿抄襲，但魯庭暉不以為然，「過去兩個台鬥得好勁，係電視節目做得最好睇嘅時候。」指電視台互相競爭才可以培養人才，「𠵱家請一個創作人才，其實唔係有好多揀……如果電視台互搶互鬥，八年後咪有第二個韋家暉，好出色的監製……呢行先會生生不息。」
廣告方面，魯庭暉指ViuTV用先到先得的方法，與傳統電視價高者得有別，商戶對廣告播出時間更有預算。雖然黃金時段每30秒廣告收費9,000元，未及TVB翡翠台的一成，但魯庭暉表示，其收費水平吸引部份未曾投放電視廣告的商戶在其平台嘗試。