蔚雨芯加盟吳奇隆公司旗下，前晚在中環舉辦私人迷你音樂會，請來林家棟、唐文龍、麥玲玲，其間麥玲玲再次被問到錯批安志杰生肖屬龍，又指他跟未婚妻Jessica C.不夾，令安志杰嬲爆叫麥玲玲轉工，麥玲玲說：「係個記者畀錯資料我，係安志杰唔係李連杰喎，錯都唔奇吖，佢自己update番當然好。可能嗰刻佢結婚，我唔係恭喜，佢有少少唔高興，但我都係以命論命，唔係睇你係邊個，我之後都有話，如果BB出世要改名，隨時歡迎搵我。」
對於安志杰叫轉工，是否太小器？麥玲玲說：「得意咗啲囉，如果係我會用幽默方式表達，可能佢真係好唔高興屬龍。」
採訪、攝影：卓寶花