據英國《鏡報》喺周三爆料，話見到「喜鵲」紐卡素班球員同職員，喺訓練場發生嚴重衝突。據聞引發呢次內訌事件嘅源頭係領隊麥卡倫，因為喜鵲喺上周六嘅英超，以0:3不敵李斯特城後，麥卡倫已經話陣中有啲球員嘅態度唔係好妥；而麥卡倫日前喺訓練途中，更對住班球員指手畫腳，仲點名批評隊長高洛仙尼、安尼達、阿歷山大米祖域同穆沙施素高呢四個大牌球員，搞到其他球員勁不滿。