英國藝術家Antony Gormley喺香港搞咗個公共藝術裝置「視界香港」（Event Horizon），喺鬧市擺放31個人形雕塑，連林鄭早排都畀面去過開幕禮。呢班裸體雕塑之前佇立於多棟中環商廈天台而一度引起「企跳驚魂」。除咗企天台，其實仲有部份擺放喺中西區嘅地面同埋行人路，點知又引起風波。
事緣其中一個「視界人」雕塑日前「企」咗喺中環皇后大道中行人路，有網民影到，「視界人」疑因阻路而慘被路政署以圍欄圍封（圖），網民群起鬧爆路政署官僚。
八方噚晚落去睇過，圍欄已搬走。路政署話，前日收到一宗投訴，於是搵承辦商去臨時圍封，方便視察，確認路段正常，就即時解封。