已改名「領展」的領匯昨日上市10周年，民間團體「領匯監察」10多名成員到領展旗下的樂富商場請願，又上演街頭劇，諷刺政府多年來縱容領展犧牲小商戶和公屋戶的利益，即使改名叫「領展」都無改變管理層肥上瘦下的問題。
當年以屋邨居民身份入稟阻止領匯上市的盧少蘭亦有出席，她直斥時任特首董建華「無鬼用」，「我敲醒佢千萬唔好賣，總之我哋要想辦法等佢(領展)唔好加價唔好盛，大家圍威喂，等市民有餐安樂飯食」，可惜她當年入稟功敗垂成，結果領展上市無數小商戶被迫走，「領匯的確係無良心，食人唔両骨呀班契弟，我哋依家一定要政府收購返。梁振英話無地喎，你賣咗佢(屋邨商場)梗係無地啦！你有錢應該買返佢。」
「領匯監察」成員李翠琼指，領展10年來逐步將原有商戶趕走，現時約80%商舖租戶都是大財團旗下的連鎖店，但屋邨居民大多是基層，不時有居民投訴無法在邨內商場買到較便宜的貨品，部份地區商場如樂富、屯門甚至已變成「旅遊區」。她認為政府當年未經民意討論便出售商場，如今責無旁貸須回購部份對民生影響較大的商場。