【拆局】
【本報訊】煥然壹居是市建局首個自行斥資興建的發展項目，大部份單位原本當私樓發售，但特首梁振英在今年初的施政報告提出轉作資助房屋，令市建局見財化水。今次獲政府「開綠燈」放寬讓月薪6萬元高收入人士申請，有市建局高層就坦言其實是幫梁振英「試水溫」，是否可以藉幫助多一些年輕人上車而收買人心。
蘇慶和與梁特關係密切
政府今次明知煥然壹居賣樓安排會引起重大爭議，但仍同意市建局做法，消息人士就相信，除了因為市建局主席蘇慶和與特首梁振英關係密切外，亦因為措施可以幫政府「試水溫」，測試如果資助房屋單身人士及家庭申請揀樓機會均等，以及放寬單身人士申請資格，「會唔會贏得年輕人嘅掌聲，收買到人心呢？」
有市建局高層透露，主席蘇慶和一直「向錢看」，煥然壹居位處啟德臨海靚地皮，轉作資助房屋「分分鐘賺變蝕」，所以蘇一直抗拒。煥然壹居資助房屋細節短短幾個月內「改完又改」，由不接受單身申請，最終改變初衷，其中轉軚原因除了考慮法律風險，蘇慶和其實想順勢「玩盡啲」，除了早前定價「成萬蚊呎」，今次容許單身人士申請，但入息及資產上限就「鬆手啲」，盼引起社會討論，希望「日後大條道理唔使再做資助房屋」。
■記者譚靜雯