張家輝再做導演且參與演出的作品《陀地驅魔人》明日上映，雖然戲中有郭采潔這隻「女鬼」，但電影公司一再強調《陀》片是以驚嚇為主打。有沒有鬼其實都不是重點，重要的是氣氛。早前家輝為《蘋果動新聞》主持《張家輝巧驚驚》節目，今日開始一連三日以影帝級的演繹手法，用導演技巧講鬼古。
一開始家輝就覆述與撞鬼當事人的一段對話：「請你唔好再提呢件事好冇呀，我哋以後都唔想再記得。」說完這段開場白後，家輝打冷顫說：「你痹唔痹呀，我𠵱家都痹痹哋呀。」之後便開始講述一個聽自女性友人的鬼古，他說：「真人真事，我位女性友人話，佢有位朋友同女朋友結咗婚，喺九龍城租咗個單位，有一日丈夫發覺太太病咗，人唔係太清醒，個樣仲起咗變化，當然唔係變咗另一個人。」
嚇走驅魔師奶
輾轉間該位友人帶太太看精神科醫生，精神科醫生看過之後，出來跟丈夫說，想不到醫生的提議令丈夫非常震驚，家輝說：「個醫生叫嗰位老公搵師傅試試，精神科醫生叫你搵師傅，震驚哩。於是呢位丈夫最終搵到位師奶，佢就係驅魔大師。」那位師奶上了九龍城的單位左看右看之後，臨走時只交帶了一句：「我一陣打畀你。」就離開。
正當位丈夫摸不着頭腦，電話響起那位驅魔師奶在電話說：「你嘅單位真係有鬼，但我處理唔到，你跟住要當冇聽過我嘅電話，然後喺屋企攞番身份證、出世紙呢啲重要文件，跟住同太太講落街食嘢，之後就千祈唔好返嚟。」該友人乖乖聽令，從此沒再回出事單位。
撰文：李森