【區議會選舉2015】
【本報訊】他們從街頭抗爭到議會，手中的雨傘化成傳單，對手同樣是建制高牆。今屆區選最年輕當選人22歲的黃學禮，爆冷大勝沙田「陀地」公民力量的對手；好友黎梓恩為全力應付選戰，不惜「炒散」做三行維生，真誠打動街坊，勇挫自由黨的對手。傘兵毋忘初衷，終讓民主理念植根社區。
記者：朱雋穎
若非臉上的青春豆，很難相信黃學禮才22歲，是本屆最年輕的區議員。他笑說，自己長得老成，「睇落似30幾歲，後來報咗名仲有人以為我虛報年齡」。他認為，年輕最大優點是體力好，即使沒有政黨作後盾，資源有限下也可事事親力親為，「啲旗呀、易拉架都好重，由朝企到晚好需要體力」。
黃學禮畢業於中文大學政治與行政學系，去年佔領期間旺角、金鐘兩邊走，「冇特別參與組織，有衝突時去做吓盾咁」，深深被佔領區的公民自發參與打動，「原來可以自己做」。雨傘運動後加入由中大本土學社成員組成的沙田社區網絡，盟友包括已退出民主黨的麥潤培，年初開始積極落區。
點票時忙於收拾物資
為免與泛民撞區，他選擇挑戰現屆區議員公民力量鄧永昌，結果大勝對手近400票。不過，他笑言，點票時忙於收拾物資，只在票站留了一會，沒等結果出爐就已經離場，「唔投都投咗啦，執好啲嘢緊要啲。我諗住瞓醒落街睇對手banner有冇『成功當選』咋，再唔係睇報紙都得」。
新世代好打網絡戰，他更相信面對面、人傳人，連facebook也不太使用，「師奶未必受網絡宣傳打動，但你日日現身，聽佢意見，佢會自動幫你向成班師奶朋友拉票」，每天朝操晚練，早上7時至9時、傍晚5時至7時，現身屋苑或車站，間中開站量血壓，半點不言累，「最唔慣要着恤衫囉，做服務其實好簡單，一個人、一張枱、一個易拉架就得」。
稱派小禮物關心街坊
對手鄧永昌本業為證券業代表，遭街坊批評絕少現身；黃卻承諾全職服務社區，不少街坊寄予厚望。他認為，價值及理念雖然重要，但在地區層面民生議題才是首要，「街坊睇表現，政治立場唔係最重要。唔做好地區工作，派再多傳單都人哋都唔會睇」，任內最想增加交通配套，如爭取專線小巴落實長者2元乘車優惠。
不少人對蛇齋餅糭嗤之以鼻，他卻同意其重要性，並指雖然難以像建制派搬派暖水壺與福袋，過時過節也會準備小禮物，「人哋唔係貪個月餅，而係需要人關心，好多老人家其實好寂寞，親身接觸好重要」。
■記者朱雋穎