國泰君安（1788）自爆原任主席兼行政總裁閻峰失聯，公司隔咗一日，噚日先至開個分析員電話會議解畫。但呢個會議只得代主席祁海英、代行政總裁王冬青同首席財務總監黃天禮，各自讀段聲明就算，全程16分鐘。既然不設答問環節，唔打算俾人問清楚，又何需開會呢?
管理層話喎，今次事件對公司係「非常好的壓力測試」，「任何一個人的單一事件，不會對管理產生重大影響」，公司財務健康，未來仲會推出幾單IPO云云，都係行貨。
早前曾經「為國護盤」嘅國家隊，陸陸續續被秋後算賬，除咗中信証券（6030）同國泰君安，上海市紀委亦已進駐海通證券（6837），為期2個月。有中資券商口痕友笑住話「好彩我哋冇份救市啫」！