唔少市民對於擔任漁灣區區議員長達24年嘅民建聯鍾樹根，喺區選被連根拔起興奮莫名。除咗齊鼓掌，有黃絲咖啡店老闆更即日起提供手沖咖啡8折優惠，慶祝成功移除爛樹根（圖）。
Green Door Coffee喺fb話，「即日起至12月會『明張目膽』地提供手沖咖啡8折優惠。『肯肯定』係手沖8折，If you are尖明on your office，快啲落黎（嚟）飲返（番）杯啦！」咖啡店老闆阿剛向八方話，相信香港冇乜人鍾意Tree根，包括佢嘅言語、智慧都係「影衰」香港人，民建聯呢個黨都係中央背景，唔係幫香港人喎。
有網民留言，話呢間咖啡店位於尖沙嘴，同Tree根嗰區相隔咁遠，擺明抽水箒！阿剛都承認嘅，咖啡店係同時慶祝小店成立一周年，但由於自己係黃絲，佔中期間瞓過金鐘，真心同好多港人一樣，想慶祝Tree根落敗。