美國聯儲局前主席伯南克（Ben Bernanke）對虛擬貨幣比特幣（Bitcoin）嘅睇法有變喎。2013年底，伯南克當時仲做緊聯儲局主席嗰陣，講過比特幣係長遠希望，不過佢最近接受訪問時就指，比特幣有嚴重問題，想取代傳統貨幣嘅地位，真係好難。
伯南克指，比特幣最大嘅問題係價格十分波動，而且唔普及，要成為主流貨幣應該仲有好遠嘅路。不過佢依然覺得比特幣喺技術上非常有趣，希望將來有助提升全球支付系統發展。
伯南克可能已經唔記得，兩年前佢話比特幣係長遠希望，隨即刺激比特幣大炒特炒，最高去到超過1,100美元一個比特幣，不過近年炒風不再，近日比特幣喺320美元徘徊。