陳慧琳（Kelly）昨日在銅鑼灣為下月舉行的「陳慧琳let's celebrate！世界巡迴演唱會」綵排，身形纖瘦不少的她說：「同生之前差唔多，𠵱家廿幾吋腰，生完最fit而家。運動量好勁，每日都三個鐘，如果返到屋企唔痠軟會唔慣。」問Kelly是否辛苦過湊仔？她說：「唔同嘅，呢個勞動，湊仔要多啲耐性。」她笑指在家練舞時被仔仔抱住腳，但仔仔都有為她按摩。
至於老公有否為她按摩？Kelly說：「佢搓兩下就話攰，好大力呀，唔搓好過，浸熱水浴好過。」她又透露演唱會服飾是最性感的一次：「有件開胸開到肚臍，不過我要型唔要性感，唔會谷胸，仲有一件係側邊開，嗰件就着嚟跳舞。」
採訪：盧妹
攝影：沈健程