【2015區議會選舉】
【本報訊】「不是因為輪椅，而是葉榮可以」。工黨葉榮以2年地區工作，身體力行證明宣傳海報上的這句說話，他在前晚以130票之差，粉碎民建聯葛珮帆連任美夢，於建制堡壘之一沙田頌安搶佔議席。講起成功「打大佬」時他未敢邀功，認為是對手未有盡力投入選戰，又感謝一眾義工支持，未來4年決以行動回報居民信任，以政績響亮說一聲：「殘疾唔係弱者！」
記者：佘錦洪
幾級台階，一度阻礙身為候選人的葉榮進入票站監票，聽記者問起連忙為票站人員解釋，滿臉尷尬說：「其實係有斜台，只係佢哋（票站人員）收站時一齊拎起咗，唔係特登嘅。」出生時因頸椎受損要以輪椅代步的葉榮，將桎梏化為助人觸覺，落戶頌安後首宗處理事項即為跟進無障礙設施，「長者、BB車、單車人士都有用，我揸車（電動輪椅）會特別敏感」。
報名一刻已「當輸咁打」
今屆區選葉榮獲得2,506票，用130票從虎口奪食，以議員助理身份成功越級挑戰巴基斯坦博士，他坦承自己從報名一刻已是「當輸咁打」，知道獲勝一刻腦海一片空白，「我以為係讀錯咗」。
分析致勝原因，葉榮認為對手輕視佔一定比重，「佢想冷卻選舉，冇將氣氛推到最高」；相反自己則與義工每日早午晚出動拉票，加上過去2年親自跟進每宗投訴，形容是「逐票逐票揼返嚟」。
葉榮昨晚與一眾義工出動謝票，從老人家到小朋友，幾乎每個街坊都會主動向他問候，不少人理解他的難處，更會主動走近握手。作為同事兼選舉代理人的Steve對此感受最深，稱葉榮無論「好天曬落雨淋」都為居民服務，「佢唔係收到投訴先做嘢，仲會搞啲活動畀基層參加，推動平等權利參與」，故出選時一呼百應獲70多名街坊支持任義工。
除地區工作外，他認為年輕選民取態亦是能夠左右大局的關鍵，「我見好多個入去票站（向我）豎手指公嘅都係後生仔」，認為在雨傘運動後的首場大選中，年輕人已經覺醒，「雖然平時我派啲單張後生仔多數唔接，但係最後一刻原來會出嚟投票」，他又指出不少年輕人更加是推着輪椅帶同家中長者一齊支持。
面對對手將敗選歸咎於選舉政治化，他直言政治與民生是「溝埋一齊」，因生活本身已包含各種政治元素，「好似一個垃圾桶咁，你想放喺邊都要問過政府部門，全部都係政治，你避唔到」。
曾連人帶輪椅衝擊立會
回望2年工作，葉榮憶述初來報到時，不少居民均認為坐輪椅的他亦是求助者，「但我證明咗即使我係殘疾，都一樣可以服務街坊」，漸漸建立口碑。他昨多次感謝選民投出的每一張信任票，「未來4年我會繼續努力，唔會辜負你哋嗰一票」。
葉榮去年6月在立法會財委會審議新界東北發展區前期工程撥款期間，多次連人帶輪椅撞向立法會玻璃大門抗議，他事後被捕，「踢保」獲釋，表明會繼續公民抗命。