【本報訊】馮檢基僅以99票落敗後，點票中心內的焦點落於僅奪215票、同樣敗選的前民協成員黃仲棋，但黃仲棋拒絕回應「𠝹票」指控，未等到重新點票結果公佈，便匆匆離開。
馮檢基：建制以禮物打關係
麗閣票數咬緊，馮檢基知道以99票敗選後要求重點，45分鐘後，結果一樣，但黃仲棋沒有等到結果公佈便離開，並只向傳媒說今次選舉非理想結果，大嘆自己遭邊緣化，他轉身離開之際，記者隨即追訪，要求回應𠝹票指控，但他拒絕回應，只拋下一句「選舉結果充份反映選民最後投票意向」，隨即上車離去。
外界戥馮檢基不值，嘆他敗於𠝹票，馮檢基昨午強調選舉已完結，會尊重選民決定。他指工聯會和民建聯為協助陳穎欣，較上一屆投放以倍計資源，「我覺得佢哋今次係以好強烈嘅物質禮物方式建立與市民關係與網絡，到選舉時變成選票……有政黨以貪嘅方式建立佢嘅網絡，係將個貪入咗落選舉制度，亦令新一代如陳穎欣可能覺得選舉要用呢啲方式先會勝出。」
視麗閣如老巢的馮檢基稱，過去12年區內由沙磚凹陷至公園重建，也一一跟進，如今要離開是百般不捨。
■記者姚國雄