劉青雲、林家棟及導演羅志良早前為宣傳電影《消失的兇手》於九龍灣接受本報訪問。片中青雲周旋於兩位女主角江一燕及李小璐之間，羅志良坦言是滿足青雲的要求：「佢話上集《消失的子彈》太齋，又話太耐冇拍過咁多女仔嘅戲。」
雖然片中不乏打鬥場面，不過青雲指由於劇組事前準備充足，故拍攝時相當順利：「反而係拍喺火車入面跑比較難，因為架火車打側咗。」提到青雲於戲中的多場跳樓戲碼，羅志良坦言拍攝時青雲未有綁上威吔：「有成五層樓高，本身嗰場戲只需要青雲企上個壆度，點知佢企咗上去仲行多步，當時真係好驚。」
採訪：譚倩宜
攝影：周樂恒、郭賢興
場地提供：E-Max