區議會選舉咁大件事，好多明星名人都喺社交網貼相叫人去投票，支持傘運嘅何韻詩，仲喺票站外面晒埋自己張身份證出嚟，不過係背面箒。
恒基千億新抱徐子淇似乎都好關心區選，佢噚日下晝仲拖埋老公李家誠去投票，但原來今次係佢首次投票，既然係第一次，當然要po上instagram做吓見證啦（圖），佢仲寫住「We just voted. We love our country」。又hashtag咗firsttimevoting㖭，但就俾網友暗寸佢話香港係國家，係咪混淆咗county同country之別呢？亦有人話喎，若果真愛國，就應該用中文。