上周喺巴黎發生嘅恐襲震驚全球，但法國政府堅決唔向恐怖分子低頭。上周五尼斯主場對里昂，係恐襲後首場上演嘅法甲，球場保安明顯嚴密咗好多，所有球迷入場前都要搜身（下圖），又唔可以帶帽、袋同大型物件入場；但一班球迷都冇抱怨，仲喺賽前默哀期間（圖）點起蠟燭，希望以燭光溫暖同胞嘅心，場面感人。尼斯最終亦以3:0擊敗里昂，以好表現報答一班願意入場支持佢哋嘅球迷。
